LAWET

দেবপ্রিয়া সরকার ও প্রসূন চ্যাটার্জি

🌺 ৪২ প্রকার তন্ত্রোক্ত দুর্গার ধ্যান 🌺

সকলকে মা দুর্গার নানা বৈচিত্রময় নাম-রূপের অস্তিত্বের সাথে অবগত করানো এই post এর উদ্দেশ্য। এখানে মোট ৪২ রকম নাম-রূপ দেওয়া থাকলেও আরো যে কত রকম দুর্গা হয় তা সত্যি বলা কঠিন। দুঃখ প্রকাশ করি – ধ্যানগুলির বঙ্গানুবাদ দিতে পারলাম না কারণ আমার সংস্কৃতের জ্ঞান অত্যন্ত সীমিত। এই ক্ষুদ্র প্রচেষ্টায় কোন রকম ভুল ত্রুটির জন্য অগ্রিম ক্ষমাপ্রার্থী।

🌺1. দুর্গা – জগদ্ধাত্রী

সিংহস্কন্ধসমারূঢ়াং নানালঙ্কারভূষিতাম্।
চতুর্ভুজাং মহাদেবীং নাগযজ্ঞোপবীতিনীম্।।
শঙ্খশার্ঙ্গসমাযুক্ত-বামপাণিদ্বয়াং তথা।
চক্রবাণসমাযুক্ত-দক্ষপাণিদ্বয়াং তথা।।
রক্তবস্ত্রপরিধানাং বালার্কসদৃশদ্যুতিম্।
নারদাদ্যৈর্মুনিগণৈঃ সেবিতাং ভবসুন্দরীম্।।
ত্রিবলীবলয়োপেত-নাভিনালমৃণালিনীম্।
ঈষৎসহাস্যবদনাং কাঞ্চনাভাং বরপ্রদাম্ |
নবযৌবনসম্পন্নাং পীনোন্নতপয়োধরাম্ ||
করুণামৃতবর্ষিণ্যা পশ্যন্তীং সাধকং দৃশা |
রত্নদ্বীপে মহাদ্বীপে সিংহাসনসমন্বিতে।
প্রফুল্লকমলারূঢ়াং ধ্যায়েত্তাং ভবগেহিনীম্।

🌺2. দুর্গা – মূলা / দুরিতাপনিবারিণী

~ সিংহস্থা শশিশেখরা মরকতপ্রখ্যা চতুর্ভির্ভুজৈঃ
শঙ্খং চক্রধনুঃশরাংশ্চ দধতী নেত্রৈস্ত্রিভিঃশোভিতা |
আমুক্তাঙ্গদ-হার-কঙ্কণ-রণৎ-কাঞ্চীক্বণন্নূপুরা
দুর্গা দুর্গতিহারিণী ভবতু নো রত্নোল্লসৎকুণ্ডলা ||

~ দুর্বানিভাং ত্রিনয়নাং বিলসত্কিরীটাশঙ্খাব্জখড়্গখেটকশূলচাপান।
সতর্জনীং চ দধতীং মহিষাসনসংস্থাং দুর্গা নবার্কুরপীঠগতাং ভজ্যেহম্ ।।

~ শঙ্খারিচাপশরভিন্নকরাং ত্রিনেত্রাং
তিগ্মেতরাংশুকলয়া বিলসত্ কিরীটাম্ |
সিংহস্থিতাং সকলসিদ্ধনতাং চ দুর্গাং
দুর্বানিভাং দুরিতবর্গহরাং নমামি ||”

~ সিংহাসনাং মরকতদ্যুতিমিন্দুচুড়াম্
শঙ্খংহ্যরিংকরতলৈর্দধতীং শরাসম্ |
বাণং ত্রিনেত্রলসিতাং ভবদুঃখহন্ত্রীং
দুর্গাং নমামি মণিভূষণভূষিতাঙ্গীং ||”

🌺3. জয়দুর্গা

~ কালাভ্রাভাং কটাক্ষৈর্রিকুল-ভয়দাং মৌলিবদ্ধেন্দুরেখাম্ ,
শঙ্খং চক্রং কৃপাণং ত্ৰিশিখমপি করৈরুদ্বহন্তীং ত্রিনেত্রাম্।
সিংহস্কন্ধাধিরূঢ়াং ত্রিভুবনমখিলং তেজসাপূরয়ন্তীম্‌ ,
ধ্যায়েদ্দুর্গাং জয়াখ্যাং ত্রিদশপরিবৃতাং সেবিতাং সিদ্ধিকামৈঃ।।

~ শ্যামাং ত্রিলোচনাং দুর্গা সিংহস্থাং চতুর্ভুজাম্ ।
হস্তৈশ্চতুর্ভিশঙ্খচক্রমাসীনা ত্রিশুলমপি যা দধতী ।।
শ্রুতিভুজৈর্নবঘননীলকান্তি: সুমুখীম্ জগত্তারিণীম্ ।
শুম্ভাদিদৈত্যঘাতিনিম্ দেবী স্মরেদখিলার্থসিদ্ধিদাম্ ।।

~ জলদ্দ্যুতিমিন্দুকিরীটাং চক্রদরাসিরূজঃ করপদ্মৈঃ ।
দধতীং নয়নত্রয়যুক্তাং সিংহগতাং প্রণমেজ্জয়দুর্গাং ।।

~ নিত্যনীলোৎপলাভাং ত্রিনেত্রাংশশীশেখরাং।
চতুর্ভিঃপ্রহরৈর্দ্ধত্তে শঙ্খচক্রকৃপাণকং।
ত্রিশিখঞ্চজটাজুটং সিংহস্থামপিচিন্তয়েৎ।

~ অতিকালঘনাকারা চন্দ্রার্ধকৃতশেখরা ।
কটাক্ষৈঃ শত্রুসংঘাতান্ নির্দহন্তি পরাত্পরা ।।
ত্রিনেত্রা ভ্রুকুটিভঙ্গা বিত্রাসিতজগত্ত্রয়া ।
সিংহধোরণধৌরীণা চলচ্চিকুরপল্লবা ।।
অষ্টবাহা জগদ্ধাত্রী বিকারলতরাননা ।
শঙ্খংতথাংকুশং চাপং জীবতো বৈরিনঃ শিরঃ ।।
সকচং বামপার্শ্বস্থকরেণ দধতি শিবা ।
করবালং তথা চক্রং বিশিখং চ গদামপি ।।
দক্ষিণেণ করেণৈব ধারায়ন্তী ভয়প্রদা ।
জয়দুর্গা সদা ধ্যেয়া ঘোরে সমরমূর্দ্ধনি ।।

🌺4. শূলিনী দুর্গা

~ অধ্যারূঢ়াং মৃগেন্দ্রং সজলজলধরশ্যামলাং হস্তপদ্মৈঃ |
শূলঃ বাণং কৃপাণন্তরিজলজগদাচাপপাশান বহন্তীং ||
চন্দ্রোত্তংশাং ত্রিনেত্রাং চতসৃভিরসিমৎখেটকং বিভ্রতীভিঃ |
কন্যাভিঃ সেব্যমানাং প্রতিভয়ভয়দাং শূলিনীং ভাবয়ামি ||

~ ধ্যায়েন্মৃগেন্দ্রারূঢ়াং সতোয়জলদচ্ছবিম্ |
ত্রিনেত্রাং বিভ্রতীং ভালং চন্দ্রখণ্ডাবন্তসিতম্ ||
দদতীং দ্বিষতাম্ ভীতিং যুদ্ধোদ্যতকলেবরাম্ |
দেবীমষ্টভুজাং ঘোরভ্রকুটিভীষণাকৃতিম্ ||
পদ্মং গদাং ধনুর্মুণ্ডং বামে সংবিভ্রতীং ক্রমাত্ |
ত্রিশূলং করবালং চ বিশিখং পাশমেব চ ||
ধারায়ন্তীং দক্ষিণেণ সর্বালাংকারমণ্ডিতাম্ |
কৃপাণ খেটকৌ দোর্ভ্যাং বিভ্রতীভিরহর্নিশম্ ||
কন্যকাভিশ্চতসৃভিঃ সেব্যমানাং বিচিন্তয়েত্ |

~ বিভ্রাণা শূলবাণাস্যরিসুদরগদাচাপ পাশান্ করাব্জৈঃ |
মেঘশ্যামা কিরিটোল্লিখিতজলধরা ভীষণা ভূষণাঢ্যা ||
সিংহস্কন্ধাধিরূঢ়া চতসৃভিরসিখেটান্বিতাভিঃ পরিতা |
কন্যাভিঃ ভীন্নদৈত্যা ভবতু ভবভয়ধ্বংসিনী শুলিনী নঃ ||

🌺5. মহিষমর্দ্দিনী

~ গারুড়োৎপল সন্নিভাং মণিময়-কুণ্ডলমণ্ডিতাং ।
নৌমি ভালবিলোচনাং মহিষোত্তমাঙ্গনিষেদুষীং ।
শঙ্খ-চক্র-কৃপাণ-খেটক-বাণ-কার্ম্নুক-শূলকান্ ।
তর্জ্জনীমপি বিভ্রতীং নিজবাহুভিঃ শশিশেখরাং ।।

~ধ্যায়েত কালিং মহা-দৈত্য যুদ্ধ রাগ মহোন্মুখীম্ ।
দক্ষিণে চক্র-খড়গৌ চ বাণং শূলং তথৈবচ ।।
বামে শঙ্খং তথা চর্ম ধনুস্তর্জনমেবচ ।
বিভ্রতীম্ কাল তীব্রোরু মহিষাঙ্গ নিষেদুষীম্ ।।
পীতাম্বরধরা দেবীম্ পীনোন্নত কুচদ্বয়াম্ ।
জটামুকুট শোভাঢ্যাং পিতৃভূমি সুখাবাহাম্ ।।

~ধ্যায়েৎ শ্যামাং মহাদুর্গাং সর্বাভরণভূষিতাম্ |
জটামুকুটশোভাঢ্যাং স্ফুরচ্চন্দ্রকলান্বিতাম্ ||
পীতাম্বরধরাং দেবিং পীনোন্নত কুচদ্বয়াম্ |
চক্র শঙ্খ লসদ্ হস্তাং তদধঃ খড়্গখেটকৌ ||
বাণ চাপৌ চ তদধঃ সশুলং তর্জনীমধঃ |

🌺6. কাত্যায়নী

~ সব্যপাদ-সরোজেনালঙ্কৃতোরু-মৃগাধিপাম্ ।
বামপাদাগ্র-দলিত-মহিষাসুর-নির্ভরাম্ ।।
সুপ্রসন্নাং সুবদনাং চারুনেত্র-ত্রয়ান্বিতাম্ ।
হার-নুপুরকেয়ুর-জটামুকুট-মণ্ডিতাম্ ।।
বিচিত্র-পট্টবসনামৰ্দ্ধচন্দ্র-বিভূষিতাম্ ।
খড়্গ-খেটক-বজ্রাণি ত্রিশূলং বিশিখং তথা ।।
ধারয়ন্তীং ধনুঃ পাশং শঙ্খং ঘণ্টাং সরোরুহম্ ।
বাহুভির্ললিতৈর্দেবীং কোটিচন্দ্ৰ-সমপ্রভাম্ ।।
সমাবৃতৈর্দিবিষদৈর্দেবৈরাকাশ-সংস্থিতৈঃ ।
স্তূয়মানাং মোদমানৈর্লোক-পালাদিভিঃ সদা ।।

~ জটাজুটসমাযুক্তামৰ্দ্ধেন্দুকৃতশেখরাম্। লোচনত্রয়সংযুক্তাং পুর্ণেন্দুসদৃশাননাম্‌॥ অতসীপুষ্পবর্ণাভাং সুপ্রতিষ্ঠাং সুলোচনাম্‌। নবযৌবনসম্পন্নাং সর্ব্বা্ভরণ ভূষিতাম্॥ সুচারুদশনাং তদ্বৎ পীনোন্নতপয়োধরাম্। ত্রিভঙ্গস্থানসংস্থানাং মহিষাসুরমর্দিনীম্‌॥ মৃণালায়তসংস্পৰ্শ-দশবাহুসমন্বিতাম্। ত্রিশূলং দক্ষিণে ধ্যেয়ং খড়গং চক্রং ক্রমাদধঃ॥ তীক্ষবাণং তথা শক্তিং দক্ষিণেষু বিচিন্তয়েৎ। খেটকং পূর্ণচাপঞ্চ পাশমেঙ্কুশমেব চ॥ ঘণ্টাং বা পরশুং বাপি বামতঃ সন্নিবেশয়েৎ। অধস্তান্মহিষং তদ্বদ্বিশিরস্কং প্রদর্শয়েৎ॥ শিরশ্ছেদোদ্ভবং তদ্বদ্দানবং খড়গপাণিনম্। হৃদি শূলেন নির্ভিন্নং নির্য্যদন্ত্রবিভূষিতম্‌॥ রক্তরক্তীকৃতাঙ্গঞ্চ রক্তবিস্ফুরিতেক্ষণম্। বেষ্টিতং নাগপাশেন ভ্রকুটীভীষণাননম্॥ সপাশবামহস্তেন ধৃতকেশঞ্চ দুৰ্গয়া। বমদ্রুধিরবক্ত্রঞ্চ দেব্যাঃ সিংহং প্রদর্শয়েৎ॥ দেব্যাস্তু দক্ষিণং পাদং সমং সিংহোপরিস্থিতম্। কিঞ্চিদুৰ্দ্ধং তথা বামমঙ্গুষ্ঠং মহিষোপরি॥ স্তূয়মানঞ্চ তদ্রুপমমরৈঃ সন্নিবেশয়েৎ। উগ্রচণ্ডা প্রচণ্ডা চ চণ্ডোগ্রা চণ্ডনায়িকা। চণ্ডা চণ্ডবতী চৈব চণ্ডরূপাতিচণ্ডিকা॥ অষ্টাভিঃ শক্তিভিস্তাভিঃ সততং পরিবেষ্টিতাম্‌। চিন্তয়েজ্জগতাং ধাত্রীং ধর্ম্মকামার্থমোক্ষদাম্॥

~ করকমলবিরাজচ্চক্রশঙ্খাসিশূলা ।
পরিলসিত্কিরীটোৎপাটিতানেকদৈত্যা ।।
ত্রিনয়না লসিতাঙ্গী তিগ্মরশ্মিপ্রকাশা ।
পবনসখনিভাঙ্গী পাতু কাত্যায়নী বঃ ।।

🌺7. বিন্ধ্যবাসিনী

~ কালপাবকসন্নিভাং কলিতার্দ্ধচন্দ্রশিরোরুহাং ভালনেত্রবিভূষণাং ভয়দায়ীসিংহনিষেদুষিম্ ।
চক্রশঙ্খকৃপাণখেটকচাপবাণকরোটিকা-
শুলবাহিভুজাং ভজে বিজিতাখিলাসুরসৈনিকাম্ ।।

~ নীলজিমুতসঙ্কাশং অষ্টবাহুসমন্বিতা || বিচিত্রবসনাং ধ্যায়েৎ বিচিত্রাদ্ভুতমুখধরা || বিভ্রতিং শঙ্খ চক্রঞ্চ খেটকং মুশলং তথা || ধনুর্বাণতথা খড়গং হলং চ দধতিং|| সিংহপৃষ্ঠেসংস্থিতা দেবী দৈত্যদানবদর্পহাং ||
ধ্যায়েত দেবী মহানিদ্রা শুম্ভনিশুম্ভ বিঘাতিনি ||
মহাদেবি বিন্ধ্যকুটনিলয়া সুখরাত্রিস্বরূপিনী ||

🌺8. অভয়া দুর্গা

~ সিংহস্কন্ধসমারূঢ় দ্বিভূজং দুর্গাং সুমনোহরাম।।
বরাভয়ধরাং চৈব নানামণি বিভূষিতাং।
জটামুকুট সংযুক্তাং অর্দ্ধচন্দ্রবিভূষিতাম্।।
রত্নকাঞ্চি সমাযুক্তাং রত্নমালা সুশোভিতাং।
রক্তবস্ত্রপরিধানাং কমলাপতি সেবিতাম্।।

🌺9. গণেশজননী / হেরম্বজননী দুর্গা (জয়দুর্গা)

~ ধ্যায়েদ্দুর্গাং জয়াখ্যাং গজমুখজননীং বিশ্বরূপাং ভবানীং।
হেরম্বং পায়য়ন্তীং স্তনমনবরতং রত্নসিংহাসনস্থাম্ ।।
ব্রহ্মাদ্যৈর্দেববৃন্দৈর্যুগকরকলিতাং সেবিতাং সিদ্ধসংঘৈ ।
রত্নালংকারপুরাং পরমশিববধূমভ্রবর্ণাং ত্রিনেত্রাম্ ।।

🌺10. বনদুর্গা

~ সৌবর্ণম্বুজমধ্যগাং ত্রিনয়নাং সৌদামিনী সন্নিভাং
চক্র শঙ্খবরাভয়ানি দধতিমিন্দৗঃ কলাং বিভ্রতীম।
গ্রৌবেয়াঙ্গদহারকুন্ডলধরামাখন্ডলাদৌঃ স্তুতাং
ধ্যায়েদ্বিন্ধ্যানিবাসিনিং শশীমুখীং পার্শ্বস্তপঞ্চাননাম্ ।।

~ বিদ্যুন্নিভাম ত্রিনেত্রাঞ্চহ্যরুণে পঙ্কজে স্থিতাম্ ।
চক্রং দরং বরাভীতী হস্তেষু দধতীং শুভাম্ ।।
স্বর্ণোদ্যত্কান্তিবসনাং শশিমৌলিং বনস্থিতাম্ ।
প্রসন্নাং পুষ্পভূষাঢ্যাং পার্শ্বোদ্যন্মৃগশাবিকাম্ ।।

~ হেমপ্রক্ষ্যামিন্দুখন্ডাত্তমৌলিং শঙ্খারীষ্টাভীতি হস্তাং ত্রিনেত্রাম্।
হেমাব্জস্থাং পীতবস্ত্রাং প্রসন্নাং দেবীং দুর্গাং দিব্যরূপং নমামি ।।

~ অরিশঙ্খ কৃপাণ খেটবাণান্ সধনুঃ শূলক তর্জনীর্দধানা।
ভবতাং মহিষোত্তমাঙ্গসংস্থা নবদুর্বাসদৃশী শ্রিয়েস্তু দুর্গা ।।

~ চক্রদরখড়্গখেটক শরকার্মুক শূল সঞ্জক কপালৈঃ মুষ্টি মুসল কুন্ত নন্দক বলয় গদা ভিন্ডিপাল শক্ত্যাখ্যৈ।
উদ্যৎবিকৃতি ভুজাঢ্যা মহিষকে সজল জলদ সঙ্কাশা সিংহস্থা বাহ্যগ্নিনিভা পদ্মস্থা বাথমরকতশ্যামা।।

~ বিদ্যুুদ্দামপ্রভাভাম্ কনকসরসিজে সংস্থিতা সত্রিনেত্রাম্ ।
হস্তাম্বোজৈর্বহন্তীমরিদরবরদাভীতিসংজ্ঞাঃ ক্রমেণ।।
স্বর্ণোদ্যত্কান্তিবস্ত্রাং শশিকলিতলসদ্রত্নচুড়াং প্রসন্নাং
পার্শ্বোদ্যত্সন্মৃগেন্ত্রাম্ হৃদি বনবসতি দাবদুর্গাং স্মরেহম।

~ শঙ্কচক্রকৃপাণখেটকবাণধণুংষি শূলবৎ। পুংস্কপালসতৃষ্টিকান্ মুসলকুন্তনন্দকান্ ।।
সত্করৈর্বলয় সদগদা ভিন্ডিপালকশক্তিকান্ ।
বিভ্রতীং জলদ্দ্যুতি মহিষোত্তমাঙ্গনিষেদুষীম্ ।।

~ শ্রিয়ে চ দুর্গা মহিষোত্তমাঙ্গস্থিতাং চ দুর্বাদলাভাং বহন্তিম্ ।
সচক্রশঙ্খাসি সখেটবাণচাপান্ ভুজৈস্তর্জনিকাং ত্রিশুলং।।

🌺11. কৌষিকী

~ ধমিল্লসংযতকচা বিধোশ্চাধোমুখীং কলাম্ ।
কেশান্তে তিলকস্যোর্দ্ধে দধতী সুমনোহরা ।।
মণিকুন্ডলসংঘৃষ্টগন্ডা মুকুটমন্ডিতা ।
সজ্যোতিঃকর্ণপুরাভ্যাং কর্ণমাপুর্য্য সঙ্গতা।।
সুবর্ণমণিমাণিক্যনাগহারবিরাজিতা ।
সদা সুগন্ধিভিঃ পুষ্পৈর্ম্লানৈরতিসুন্দরীম্ ।।
মালাং বিভর্ত্তি গ্রীবায়াং রত্নকেয়ূরধারিণী ।
মৃণালায়তবৃত্তৈস্তু বাহুভিঃ কোমলৈঃ শুভৈঃ ।।
রাজন্তী কঞ্চুকোপেতপীনোন্নতপয়োধরা ।
ক্ষীনমধ্যা পীতবস্ত্রা ত্রিবলীপরিভূষিতা ।।

~ সাকৌষিকীতি বিখ্যাতা চারুরূপা মনোহরা ।
শূলংবজ্রংচবাণং চ খড়্গং শক্তিং তথৈবচ ।।
দক্ষীণৈঃ পাণিভির্দেবী গৃহীত্বা তু বিরাজিতা ।
গদাং ঘন্টাং চ চাপং চ চর্ম শঙ্খং তথৈবচ ।
উর্ধ্বাদিক্রমতো দেবী দধতিবামপাণিভিঃ ।।
বজ্রেণেত্যস্য স্থানে চক্রণেত্যপিপাঠঃ কৌষিক্যাশ্চক্রস্যাভাবাত্ ।
সিংহস্যোপরিতিষ্ঠন্তী ব্যাঘ্রচর্মাণি কৌষিকী।।
বিভ্রতী রূপমতুলং সুরাসুরর্মোহনম।

🌺12. অগ্নিদুর্গা

~ বিদ্যুদ্দামসমপ্রভাং মৃগপতিস্কন্ধস্থিতাং ভীষণাং
কন্যাভিঃ করবালখেটবিলসদ্ধস্তাভিরাসেবিতাম।
হস্তৈশ্চক্রগদাসিখেটবিশিখাংশ্চাপং গুণং তর্জনীং
বিভ্রাণামনলাত্মিকাং শশিধরাং দুর্গাং ত্রিনেত্রাং ভজে।।
~ কপালং ত্রিশিখং পাশমংকুশং বিভ্রতীং করৈঃ ।
জপাকুসুমসঙ্কাশামগ্নিদুর্গাং ধ্যায়াম্যহম্ ।।

🌺13. জাতবেদা দুর্গা

~ শঙ্খং খেটং তথা বাণান্ বামে চাভয়দায়িনীম্ ।
ধনুষ্চক্রং তথা পাত্রং দক্ষীণে সুবরপ্রদম্ ।।
চক্র খড়্গশরচ্ছুলং লৌহমুষ্টিংচ তোমরম্ ।
বলয়ং ভিন্ডীপালং চ দধানাং চোত্তরে ভুজে ।।
পরিঘং চাঙ্কুশং চৈব ধারয়ন্তীং ত্রিলোচনাম্ ।
সিদ্ধ্যন্তি সর্বকার্যানি নিশ্চিতং হি দ্বিজোত্তম ।।
ঋগ্বেদসংস্তুতা দেবী কশ্যপেণ প্রকীর্তিতা ।
জাতবেদঃপ্রভাং দেবী ভুক্তি মুক্তি বিধায়িনীম্ ।।

~ মেরুপর্বতকুম্ভাং ব্যাঘ্রানুসারিণীম্ সিংহচতুর্মুখবাহিনীমষ্টাদশভুজাং ।
শুক্লবস্ত্রাং শুক্লবাসিনীং সর্বাভরণভূষিতাং জাতবেদসে দেবীং ধ্যাত্বা ।।

🌺 14. অপরাজিতা দুর্গা

~ নীলোৎপলনিভাং দেবীং নিদ্রা মুদ্রিত লোচনাম্।
নীলকুঞ্চিত কেশাভ্যাম্ নিম্ননাভিবলিত্রয়ম্ ।।
বরাভয়করাম্ভোজম্ প্রণতার্তিবিনাশিনীম্ ।
পীতাম্বরবরোপেতং ভূষণস্ত্রগবিভূষিতাম্ ।।
বরশক্ত্যাকৃতিং সৌম্যাং পরসৈন্য প্রভঞ্জিনীম্ ।
শঙ্কচক্রগদাভীতি রম্যহস্তাং ত্রিলোচনাং ।।
সর্বকামপ্রদাম্ দেবীং ধ্যয়েত্তামপরজিতাম্ ।

~ নীলোৎপলদলশ্যামাং ভুজঙ্গাভরণান্বিতাম্ । শুদ্ধস্ফটিকসঙ্কাশাং চন্দ্রকোটিনিভাননাম্ ॥ শঙ্খচক্রধরাং দেবী বৈষ্ণ্বীমপরাজিতাম্ বালেন্দুশেখরাং দেবীং বরদাভয়দায়িনীম্ ॥

~ শুদ্ধস্ফটিকসংকাশং চন্দ্রকোটিসুশীতলাম্ | বরদাভয়হস্তাঞ্চ শুক্লবস্ত্রৈরলঙ্কৃতাম্ || নানাভরণসংযুক্তাং চক্রবাকৈশ্চ বেষ্ঠিতাম | এবং সংঞ্চিন্তুয়েম্মন্ত্রী দেবীং তামপরাজিতাম্ ||

🌺15. লবণা / লবণেশ্বরী দুর্গা

~ রত্নসিংহাসনারুঢ়াং দুর্বাদলসমদ্যুতিম্ ।
বদ্ধাঞ্জলিপুটৈঃ সপ্তসাগরৈঃ রত্নপাণিভিঃ।।
বিহায় সংমুখং দিক্ষু বিদিক্ষু পরিবেষ্টিতাম্ ।
নেত্রদাসক্তহস্তেন ধনদেন পুরোজুষা ।।
সেবিতাং প্রজ্জ্বলন্মৌলিমণিভির্নাগনায়কৈঃ ।
অষ্টভির্নিধিভিশ্চাপি মহাপদ্মাদিভির্যুতাম্ ।।
চতুর্ভুজাং রত্নকুম্ভাভয়ে সব্যভুজদ্বয়ে।
অক্ষমালাবরে দক্ষে ভুজযুগ্মেষু বিভ্রতীম্।।
মুক্তাহারপরিক্ষিপ্তাম্ দ্রব্যসিদ্ধিবিধায়িনীম্।
ন্যাসং সমাচরেদ দেবী ধ্যায়েত্বং লবণেশ্বরীম্।।

🌺16. অসুরী দুর্গা

~ শরচ্চন্দ্র কান্তির্বরাভীতিশূলং সৃণিং হস্তপদ্মৈর্দধানাম্বুজস্থা ।
বিভূষাং বরাদ্যাহি যজ্ঞোপবীতা মুদ্যেথর্বপুত্রী করোত্বাসুরী নঃ ।।

🌺17. শান্তি দুর্গা

~ নির্ভত্স্য দৈত্যানখীলান্তক দ্রূহাং শান্তামরাজোরগভোগ শায়িনীম ।
ভক্তাখীলোপদ্রবহেতুভঞ্জিনীং দেবীং প্রপদ্যে দিবিষদিভরীডিতাম্ ।।

🌺18. গিরিদুর্গা

~ গিরিরাজকুমারিকাং ভবানীং শরণাগতপালনে চ দক্ষাম।
বরদাভয়শঙ্খচ্ত্রহস্তাং বরদাত্রীং সমস্তাং স্মরামি নিত্যম্।।

🌺19. শবরী/ শবরেশ্বরী দুর্গা

~ মধ্যেবদ্ধ ময়ূরপিচ্ছ নিবহাং শ্যামাং প্রবালাধরাম্ ।
গুঞ্জাহারধরাং ধনুঃ শর করাং নীলাম্বরাডম্বরাম্ ।।
শৃংগীবাদন তৎপরাং সুনয়নাং মুর্দ্ধালকৈর্ববরাম্ ।
ভিল্লীবেশধরীং নমামি শবরীং ত্বামেকবীরাং পরাম্ ।।

~ হেমাদ্রিসানাবুদ্যানে নানাদ্রুমমনোহরে । রত্নমন্ডপমধ্যস্থ বেদিকায়াং স্থিতাং স্মরেৎ ।।
গুঞ্জাফলাকল্পিত হাররম্যাং শ্রুত্যোঃ শিখন্ডং শিখিনো বহন্তীম্ ।
কোদন্ডবানৌ দধতীং করাভ্যাং কটিস্থবল্কাং শবরীং স্মরামি ।।

~ শ্যামা পর্ণবৃততনু গুঞ্জাহার বিরাজিতা ।
স্মেরা শোড়ষবর্ষীয়াবন্তসিতলতাদলা ।।
বৈণবং ভাজনং বামে কটেরুপরি বিভ্রতীম্ ।
ফলানি চিন্বতো দক্ষকরেণ বিপিনাবনৌ ।।
বরাটককুতাকল্পা গায়ন্তী খর্ববিগ্রহা ।
ভক্তিভাবতয়া দেবী ধ্যাতব্যা শবরেশ্বরী।।

🌺20. অতিদুর্গা

~ অয়োমুষ্টি গদাহস্তাং রক্ষার্থমাত্মনস্ত্বহম্ ।
বিদ্যুদ্দামসমানাভাং বিচিন্তয়াম্যতি দুর্গাম ।।

🌺21. গাণি দুর্গা

~ স্বহস্তাভ্যাং পাশাঙ্কুশধরাং হৃৎপদ্মে চ স্থিতাম্ ।
রক্তবর্ণাম গাণিদুর্গা ধ্যায়াম্যহং মুহুর্মুহূ ।।

🌺22. বিশ্ব দুর্গা

~ বিভ্রন্তিমঙ্কুশং পাশং রক্তাভাং হৃদয়স্থিতাম্ ।
বিশ্বরূপাং বিশ্বদুর্গাং বিশ্ববশ্যকৃতাং ভজে ।।

🌺23. সিন্ধু দুর্গা

~ শরচ্চন্দ্রনিভাং দেবীং বিগলত্পরমামৃতাম্ ।
পাশাঙ্কুশধরাং সিন্ধুদুর্গাং পরিচিন্তয়ামি ।।

🌺24. অম্বিকা দুর্গা

~ যা সা পদ্মাসনস্থা পৃথুলকটিতটী পদ্মপত্রায়তাক্ষী।
গম্ভীরাবর্তনাভিঃ স্তনভারনমিতা শুভ্রবস্ত্রোত্তরীয়া।।
লক্ষ্মীর্দিব্যৈর্গজেন্দ্রৈর্মণিগণখচিতৈঃ স্নাপিতা হেমকুম্ভৈ।
নিত্যং সা পদ্মহস্তা মম বসতু গৃহে সর্বমাঙ্গল্য যুক্তা।।

🌺25. চন্ডিকা দুর্গা

~ শশলাঞ্জনভূষিতাং ত্রিনেত্রাং বরদাভয়শূলব্ণহস্তাম্।
ধনুর্খেটধারিনীং মহেশীং ত্রিপুরারিবধূমহং ভজামি।।

🌺26. নবাক্ষরী দুর্গা

পূর্ণেন্দুপ্রতিমদ্যুতিং নিজবতংসেন্দুংশধারাপ্লুতাং
ভক্তানাংকৃপয়া করাগ্রবিলসদ্ দিব্যায়ুধৈরাপদঃ ।
ক্রূরারিগ্রহভূতরোগবিপুলত্রাসপ্রদাংস্ততক্ষনাৎ
সংহৃত্যাশু তদিষ্টদামিহ মহালক্ষ্মীং সদা ভাবয়ে ।।

🌺27. ইন্দ্রাক্ষী দুর্গা

~ নেত্রানাং দক্ষাভির্শতৈঃ পরিবৃতামত্যুগ্রচমম্বিরাং
হেমাভাং মহতীং বিলম্বিতশিখামামুক্তকেশান্বিতাম্ ।
ঘন্টামন্ডিতপাদপদ্মযুগলাং নাগেন্দ্রকুম্ভস্তনীমিন্দ্রাক্ষীং পরিচিন্তয়ামি মনসা কল্পোক্তসিদ্ধিপ্রদাম্ ।।

~ ইন্দ্রাক্ষীং দ্বিভুজাং দেবীং পীতবস্ত্রাদ্বয়ান্বিতাম্ ।
বামহস্তে বজ্রধরাং দক্ষীণেন বরপ্রদাম্ ।।
ইন্দ্রাদিভিঃ সুরৈর্বন্দ্যাং বন্দে শঙ্করবল্লভাম্ ।
এবং ধ্যাত্বা মহাদেবীং জপেৎ সর্বার্থসিদ্ধয়ে ।।
ইন্ত্রাক্ষীং নৌমি যুবতীং নানালঙ্কারভূষিতাম্ ।
প্রসন্নবদনাম্ভোজামপ্সরোগণসেবিতাম্ ।।

🌺28. বৃষারুঢ়া দুর্গা

~ বৃষারুঢ়াং ভালচন্দ্রাং ত্রিনেত্রাং শশিসন্নিভাম্ ।
দধতীং শূল ডমরুং মহাহিবলয়াং ভজে ।।

🌺29. অশ্বারুঢ়া দুৃ্র্গা

~ অশ্বারুঢ়াং চন্দ্রভালাং ত্রয়ক্ষাং পাশেন সাধ্যকম্ ।
বধ্বানয়ন্তীং বামেন দক্ষে কনক বেত্রিকাম্ ।।

🌺30. রিপুমারী দুর্গা

~ প্রলয়ানলসঙ্কাশাং কালরাত্রিমিবাপরাম্ ।
শূলপাশধরাং ঘোরাং সিংহস্কন্ধনিষেদুষীম্ ।।
সবিতুর্মন্ডলান্তঃস্থাং রক্তনেত্রত্রয়োদ্গতৈঃ ।
বিস্ফুলিঙ্গৈর্নিদহন্তীং রিপুমাকুলবিগ্রহাম্।।
স্পষ্টদংষ্ট্রাধরাং নৃত্যদ্ভ্রুকুটিকুটিলাননাম্ ।
তর্জয়ন্তীং নিজং শত্রুং তর্জন্যা ভীমরূপয়া ।।
দংষ্ট্রাময়ূখজ্বলেন দ্যোতয়ন্তীং দিগন্তরম্।
শূলেণ বৈরিণো বক্ষো দারয়ন্তী ভয়ঙ্করীম্।।

~ তর্জনীংত্রিশিখংদোর্ভ্যা ধারয়ন্তীংভয়ংকরীম্ ।
রক্তান্ধ্যাত্বারবেবির্বেপ্রজপেদ্যুতংমনুম্ ।।
মারয়েদচিরাদেবরিপুন্বন্ধুসমন্বিতান্ ।

🌺31. উগ্রদুর্গা

~ উগ্রদুর্গেতি বিখ্যাতা বিদ্যা মহিষমর্দ্দিনী ।
ঘোরাং দুর্বাদলম্যামাং মহাভীমাং চতুর্ভুজাম্ ।।
শঙ্খচক্রধণুর্বাণ ধারয়ন্তীং মহোন্মুখীম্ ।
সিংহাসনগতাং দেবীং বিত্তৈশ্বর্য্যপ্রদায়িনীম্ ।।

🌺32. জ্বালাদুর্গা / জ্বালামুখী/ জ্বলামালিনী দুর্গা

~ ওঁ কৃষ্ণা ত্রিলোচনাং শঙ্খচক্রশুলাসিধারিণীম্ ।
জ্বলামুখীম ভীম রূপাম ধ্যায়েদ ত্রৈলোক্যভীতিদাম ॥

~ শীতাংশুদ্যুতিসন্নিভাং শশিকলাচুড়া ত্রিনেত্রাং শিবা দ্বিঃ পঙ্কাসরোজপীঠবিগতাং মাধ্বীরসাঘূর্ণিতাম্ ।
ব্যর্ণোদ্ভাসিবস্বর্গাত্রলতিকা জ্বালাদিকন্যাকুলো
রজ্যত্পাদযুগাং ত্রিলোকজননীং জ্বলামুখী নৌম্যহম্ ।।

🌺33. পক্ষিদুর্গা

~ উদ্ধৃত্তোদ্যান্তরত্নপ্রভনয়নযুগদ্বন্দ্বসির্যত্ক্রকৃষানোঃ
জ্বালামালাতিভীমাং বিকটতরকরণৈগ্রতিক্ষণাগ্রতুণ্ডাম্ ।।
পক্ষাখেপপ্রচন্ডানিলচটুলজবদ্রাবিতারাতিসঙ্ঘাং
দুর্গাং ভিন্নাঞ্জাভাম্ খরতরনখরাং পক্ষিরূপাং নমামি ।।

🌺34. ভ্রামর দুর্গা

~ শঙ্খং চক্রং কপালং ত্রিশিখরমুসলৌ তর্জনীং চাপবাণৌ।
বিভ্রাণাং বাহুদন্ডৈঃ শশিশকলসত্পিঙ্গকোটিরাভরাম্।।
দেবীং ভিন্নাঞ্জনাভাং বিকটমুখলসদ্ঘোরদংষ্ট্রাং ত্রিনেত্রাম্ ।
দুর্গাং ভোগীন্দ্রভূষাং মুনিভিবুধনুতাং ঘোররূপাং নমামি।।

🌺35. নীলকন্ঠি দুর্গা

~ বরং ত্রিশূলং খেটং চ পানপাত্রং চ বিভ্রতী ।
নীলকন্ঠে তথা নাম্না মহালক্ষ্মী সুখপ্রদা ।।

🌺36.ক্ষেমঙ্করী দুর্গা

~ বরং ত্রিশূলং পদ্ম চ পানপাত্রং করে তথা ।
ক্ষেমঙ্করী তদা নাম ক্ষেমারোগ্যপ্রদায়িনী ।।

🌺37 হরসিদ্ধি দুর্গা

~ কমন্ডলুংচ খড়্গং চ ডমরুং পানপাত্রকম্ ।
হরসিদ্ধীস্তদা নাম সর্বেষাং সিদ্ধিহেতবে ।।

~ হরিতালসমাভাসলোচনত্রয়ভূষিতাম্ ।
পাদালম্বিজটাভারাং নরমুন্ডকৃতস্ত্রজম্ ।।
বহ্নিপিচ্ছকৃতোদগ্রকাঞ্চিকিঙ্কিনিমন্ডিতাম্ ।
শার্দূলচামরিচিতকঞ্চুক্যাবৃতবক্ষসম্ ।।
শবোপরিসমারুঢ়ামিষত্কম্পিতমস্তকাম্ ।
চলদোষ্ঠপুটাং বাহুচতুষ্কেন বিরাজিতাম্ ।।
বহ্নিণং বৃক্ষপালংচ বামতো বিভ্রতীং শুভাম্ ।
খড়্গং চ কর্তৃকাং দক্ষে যোগপট্টকৃতস্ত্রজম্ ।।

🌺38. রুদ্রাংশ দুর্গা

~ রক্তাম্বরাং শ্যামলিনীংদ্বিনেত্রাং কিরিটরত্নাঙ্কিতহেমভূষাম্ ।
খড়্গাংধৃতশঙ্খচক্রাং মৃগেন্দ্রযানাং রবিচন্দ্রভূষাম্ ।।
ইষ্টার্থদাত্রীংসুরবন্দ্যপাদাং রুদ্রাংশদুর্গাং মনসা স্মরামি।

🌺39. বিষ্ণু দুর্গা

~ চক্র শঙ্খাভয়াভীষ্ট করাং মরকতপ্রভাম্ ।
দুর্গাং প্রপূজয়েৎ সৌম্যাং ত্রিনেত্রাং চারুভূষণাম্ ।।

~ শঙ্খচক্রসহিতদ্বয়হস্তা মূরুবাহুমভয়ম্ শুচিনেত্রাম্ । অর্জূনাম্ চ মহিষস্যশিরসাম্ নৌমিসৌম্যবদনাং হরিদুর্গাম্ ।।

🌺40. দীপ দুর্গা

~ দীপদুর্গা মহাদেবী অত্যাশ্চর্য স্বরূপিণী।
দীপাকৃতে দিব্যদেহে বদ সর্বং জগন্ময়ী ।।

🌺41. যামবতী দুর্গা

~ অরুণোরুণপঙ্কজসন্নিভঃ স্বশক্তিবরাভয়যুক্তকরঃ।
অমিতার্চিরজাত্তগতির্বিলসন্নয়নবিতয়োবতু বোদহনঃ।।
নীলতরাংশুকেশকলাপা নীলতনুর্নিবিড়স্তনভরা।
সাঙ্কুশপাশসশুলকপাল যামবতী ভবতোহ্যবতু নিত্যং।।

~ নবকুমকুমসন্নিভং ত্রিনেত্রং রুচিরাকল্পশতং নমামিবহ্নিম্ ।
স্ত্রুবশক্তি বরাভয়ানি দোর্ভির্দধতং রক্তসরোরুহে নিষণ্ণম্ ।।
কালাম্বুবাহদ্যুতিমিন্দুবক্ত্রাং হারাবলী শোভিপয়োধরাঢ্যাম্ ।
কপালপাশাঙ্কুশশূলহস্তাং নীলংশুকাং যামবতীং নমামি ।।

🌺42. সঙ্কটা / সঙ্কটনাশিনী দুর্গা

~ ধ্যায়েৎ পরমেশ্বরীং দশভুজাং নেত্রত্রয়োদ্ভাসিতাং সদ্য সঙ্কটতারিণীংম্ গুণময়ীমারক্তবর্ণাম শুভাং।
অক্ষস্সৃগ্জলপুর্ণকুম্ভকমলং শঙ্খং গদাং বিভ্রতীং ত্রিশূলডমরুঞ্চখড়্গবিধৃতাং চক্রাভয়াদ্যাং পরাং ।।

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺